الشروط والأحكام

كل منتجاتنا رقمية: باقات جرافكس لـ FiveM، أداة دعم البيور مود، وخدمات إضافية. مفيش أي منتج مادي أو شحن مرتبط بأي طلب.

اللي بتستلمه: ملفات التحسين الرقمية + كود ترخيص (Digital License Key)، وجلسة تركيب عن بُعد على جهازك بواسطة مختص من فريقنا بالتنسيق معاك على ديسكورد.

الباقة الثالثة (Ultra) بتشمل كمان خدمة تحسين الأداء البريميم، واللي بينفذها شريكنا «أداء» (adaa.store) — شركة مستقلة — بجلسة عن بُعد على جهازك بيتفق معاك على معادها مباشرةً. الطلب والدفع والاسترجاع كلهم معانا إحنا، وبيخضعوا للشروط دي ولسياسة الاسترجاع بتاعتنا.

أسماء الإصدارات (زي V18) بتشير للنسخة الحالية وقت الشراء. شراؤك بيغطي النسخة اللي اشتريتها — الترقية لإصدارات أحدث ممكن يكون ليها رسوم منفصلة إلا لو اتذكر غير كده.

الترخيص مخصص لاستخدام شخصي واحد فقط، وكود التفعيل مربوط بمعرّف جهاز واحد (Hardware ID).

محاولة تفعيل الكود على أكتر من جهاز، أو مشاركته أو إعادة بيعه أو توزيع الملفات بأي شكل، بتلغي الترخيص تلقائيًا من غير أي تعويض أو استرجاع.

ممنوع نقل الطلب أو الترخيص لحساب تاني أو لشخص تاني.

أداة دعم البيور مود ترخيصها مدى الحياة لنفس الحساب والجهاز.

كل الأسعار على الموقع معروضة ومحصّلة بالدولار الأمريكي (USD) — مفيش أي عملة تانية. السعر المعروض هو السعر الكامل للمنتج: مفيش أي مبلغ بيتدفع خارج الموقع، لا أثناء التركيب ولا بعده.

بتتضاف على كل طلب «رسوم معالجة الطلب»: نسبة ثابتة من قيمة الطلب بعد أي خصم، بتتطبق بنفس النسبة مهما كانت وسيلة الدفع — مش رسوم على وسيلة دفع بعينها. قيمتها ونسبتها بيظهروا لك في سطر منفصل في ملخص الطلب قبل ما تأكد الدفع، وبترجع لك كاملة مع أي استرجاع كامل.

الدفع بيتم عن طريق بوابة دفع خارجية معتمدة (زي PayPal أو Stripe) — إحنا مش بنشوف ولا بنخزن بيانات كارتك نهائيًا، وبيانات البطاقة بتتعامل عند مزود الدفع وفق معيار PCI DSS.

عملية الشراء بتظهر في كشف حساب بطاقتك باسم ELFAR3ON STUDIO.

لازم تكون انت صاحب وسيلة الدفع، أو معاك إذن صريح من صاحبها. أي عملية بتتم من غير إذن صاحب الوسيلة مسؤوليتك انت.

الاسترجاع متاح طالما طلبك لسه «في انتظار مراجعة الطلب» وفي خلال 14 يوم من الدفع — أول ما نراجع الطلب، بيبقى نهائي. راجع سياسة الاسترجاع، وهي جزء لا يتجزأ من الشروط دي.

إحنا من حقنا نعدل الأسعار والعروض في أي وقت — التعديل ما بيمسش الطلبات المدفوعة قبله.

غير مسموح نهائيًا بتحويل خدمة لخدمة تانية بعد الدفع (مثال: تحويل خدمة تحسين الأداء لأداة دعم البيور مود أو العكس).

السبب إن كل خدمة ليها مسار تنفيذي وتقني منفصل تمامًا، فمش ممكن دمج الرصيد أو استبدال الخدمات بعد إتمام الدفع.

لو غيّرت رأيك وطلبك لسه ضمن شروط الاسترجاع، بنرجّعلك المبلغ وتعمل طلب جديد بالخدمة اللي عايزها.

بعد التركيب، حفظ ملفات التحسين الأصلية مسؤوليتك بالكامل — احتفظ بيها في مكان آمن.

لو ضاعت الملفات أو عملت فورمات للجهاز، خدمة إعادة التركيب والتهيئة متاحة برسوم فنية رمزية ($10) بشرط إنك محتفظ بالملفات الأساسية القديمة.

لو الملفات الأصلية نفسها مش موجودة عندك، مش ممكن نبعت الترخيص أو النسخة تاني مجانًا — هتحتاج تشتري النسخة من جديد.

التركيب بيتم ببرامج معروفة وآمنة (AnyDesk أو Parsec) وانت متابع الجلسة بنفسك من أولها لآخرها، وتقدر تقطع الاتصال في أي لحظة.

بمشاركتك كود الوصول انت بتوافق على دخول المختص لجهازك لغرض التركيب فقط. فريقنا ملتزم بعدم فتح أو نقل أي ملفات خارج نطاق التركيب.

مواعيد التسليم: بنراجع طلبك ونتواصل معاك في تكت على ديسكورد خلال 24 ساعة من الدفع عشان ننسّق جلسة التركيب، والتركيب بيخلص خلال 3 أيام من تاريخ الدفع. ولو مشتري خدمة أولوية التركيب، طلبك بيتقدم الطابور.

جزء تحسين الأداء البريميم في الباقة الثالثة (Ultra) فريق «أداء» بيتواصل معاك بخصوصه مباشرةً لتحديد المعاد، وبيخلص خلال 7 أيام من تاريخ الدفع.

المدد دي بتتمد بنفس قدر أي تأخير سببه من ناحيتك — زي عدم الرد على ديسكورد أو تأجيل جلسة التركيب.

التنسيق بيتم عن طريق تذكرة على سيرفر الديسكورد بتاعنا برقم طلبك.

ملفاتنا برمجيات نظيفة وآمنة ومجرّبة على آلاف الأجهزة، وبتشتغل بتوافق تام من غير ما تسبب تعارض مع نظام التشغيل.

إخلاء مسؤولية: إحنا مش مسؤولين عن أي تحديثات جذرية مستقبلية في السيرفرات المضيفة (Host Servers) ممكن تتعارض مع ملفات التحسين البصري — لكن هنسعى نوفر تحديثات توافق متى ما كان ممكن.

استخدامك للجرافكس على سيرفرات ليها قواعدها الخاصة مسؤوليتك — اتأكد من قواعد سيرفرك قبل الشراء.

أداة الدعم V2 مصممة عشان تخلي تحسينات الفرعون مدعومة وشغّالة في سيرفرات البيور مود بمستوييه (1 و 2).

بنصدر تحديثات صيانة دورية، لكن لو الأنظمة المضيفة عملت تغيير جذري في بروتوكولاتها يمنع عمل الإضافات الخارجية كليًا، الإدارة ما بتتحملش مسؤولية تعويض العميل عن التغيير التقني الخارجي ده.

استخدام الأداة على أي سيرفر بيخضع لقواعد السيرفر ده — اتأكد من قواعد سيرفرك قبل الشراء.

انت مسؤول عن سرية بيانات دخولك.

لازم يكون عندك 18 سنة أو أكتر عشان تشتري من الموقع. لو أقل من كده، الشراء لازم يتم بواسطة ولي أمرك وبموافقته وباستخدام وسيلة دفع تخصه.

من حقنا وقف أو حظر أي حساب بيخالف الشروط دي، أو بيسيء استخدام المنصة أو فريق الدعم. فتح نزاع أو استرداد لدى البنك أو مزود الدفع مش سبب للحظر — ده حقك، وبنفضّل بس إنك تكلمنا الأول عشان نحل أسرع.

مسؤوليتنا القصوى في أي حالة محدودة بقيمة اللي دفعته للمنتج محل الخلاف.

بنطبق الشروط دي في حدود ما يسمح به القانون الواجب التطبيق، ولو اتقرر إن بند منها مش نافذ، باقي البنود بتفضل سارية بالكامل.

ممكن نحدّث الشروط دي من وقت للتاني — تاريخ آخر تحديث دايمًا موجود أعلى الصفحة، والشروط اللي بتتطبق على طلبك هي النسخة اللي وافقت عليها وقت الشراء.

لأي سؤال أو خلاف، كلمنا على studio@elfar3on.com أو على ديسكورد — بنحل كل حاجة بالتفاهم وبسرعة، وبنرد على الإيميل خلال 24 ساعة.

الموقع والخدمات دي بتشغّلها Elfaraon Studio LLC — شركة ذات مسؤولية محدودة مسجّلة في ولاية نيو مكسيكو، الولايات المتحدة الأمريكية، رقم القيد NM Business ID 0008119692 — وبتعمل تجاريًا باسم «الفرعون ستديو».

التعاقد بينك وبين Elfaraon Studio LLC، والشروط دي بتخضع لقوانين ولاية نيو مكسيكو بالولايات المتحدة، من غير الرجوع لقواعد تنازع القوانين.

منتجاتنا رقمية بتتسلّم أونلاين ومفيش عليها شحن دولي أو رسوم جمركية. إحنا ما بنبيعش لأي شخص أو جهة أو دولة خاضعة لعقوبات أو قيود تصدير أمريكية، وبنحتفظ بحقنا نرفض أو نلغي أي طلب بيخالف القيود دي أو أي قانون واجب التطبيق علينا أو عليك.

لأي مراسلة رسمية: studio@elfar3on.com.